Policia italiane ka arrestuar për të dytën herë një 49-vjeçar shqiptar, pasi në mënyrë të përsëritur keqtrajtonte dhe përndiqte ish-gruan.
Mediat italiane raportojnë se kjo është hera e dytë në tre vite që shqiptari arrestohet për keqtrajtim dhe përndjekje ndaj ish-bashkëshortes. Policia e bllokoi atë përpara një shkolle në Bassiano.
Bëhet fjalë për një marangoz shqiptar, i cili ndër të tjera akuzohet se ka goditur me grusht një burrë, fqinj të ish-bashkëshortes së tij, duke dyshuar se kishte nisur një lidhje romantike me të.
