Kryetari i Partisë Demokratike, Sali Berisha, në një dalje për mediat, u ndal te arrestimi i ish-zyrtarit të lartë të kundërzbulimit të FBI-së Charles McGonigal, si dhe lidhjeve të tij të pretenduara me kryeministrin Rama.
Në fjalën e tij Berisha ka akuzuar Edi Ramën, duke thënë se është i përfshirë “në një nga aferat më të zeza të kohërave”, teksa ka shtuar se McGonigal, ka bërë 6 udhetime në Shqipëri, ku është takuar dhe me Ardi Veliun.
Berisha: Edi Rama është bashkëautor në këtë krim të shëmtuar. McGonigal ka bërë 6 udhëtime në Shqipëri, ka bërë takime me Ardi Veliun me shefin e shërbimeve, me kupolën e Policisë etj. Thuhet se i ka bërë me udhëtime të fshehta. E paimagjinueshme. Që të gjitha duke mos deklaruar oficerin e regjimit, që e shoqëronte edhe në tualet kishte rrezik. Agron Nezën. Askërkund nuk e tregonte, krijonte dhe merrte shuma, 225 mijë dollarë prej tij, por firmoste dhe marrëveshje. Krijonte ndërmarrje që të shvaste edhe 500 mijë euro në Bosnje.
