Mënyra si Partia Socialiste po përgatitet për zgjedhjet lokale të 14 Majit duket se nuk është e duhura për ish zv/kryeministrin Erion Braçe.
Në një intervistë të dhënë së fundmi në media, deputeti i Lushnjës ka kritikuar kryeministrin Edi Rama për mungesën e analizës në mënyrën si ka qeverisur dhe strategjinë për t’iu afruar shqiptarëve dhe për t’i bindur që të votëbesojnë drejtuesit lokalë.
Sipas Braçes, PS-ja është shumë vonë pasi do duhet që t’i kishte bërë public emrat e kandidatëve kohë më parë dhe jo t’i linte enigmë, edhe pse nga njerëzit pranë Ramës përflitet se kryetarët aktualë do të jenë ata që do të garojnë në shumicën e bashkive të vendit.
“Jemi vonë, duhet të ishin zgjedhur kandidatët, ka rol shumë të rëndësishëm kandidati, për më tepër kedhi dhe 3-4 opozita, ca do bëj ky aman, aman se e kemi njohur, kë do vrasi ky, kujt do ia presi duart ky, për më tepër ku s’ka parti, duke i marrë të mirëqenë sa të fortë janë këto, jemi vonë, kush duhet të jetë duhet të ishte bërë analiza, ti po, ti nuk do jesh kandidat dhe për një mandat tjetër. PS duhet të jepet, përkundrejt shoqërisë, s’e kemi pretenduar që vetëm ata që janë në PS vlejnë për kandidat për të qeverisë Bashkinë, ka edhe element të tjerë, që i bëjnë mirë komuniteteve për të qenë kandidat dhe për të marrë përgjegjësi, përzgjedhja duhet të bëhet në komunitet dhe për të sjellë në PS për ajër të freskët,”- tha Braçe.
