Pas dy ditësh në Pogradec ka rinisur furnizimi me ujë.Punonjës të Ujësjellësit kanë arritur pasditen e të shtunës të riparojnë defektin që kishte shkaktuar ndërprerjen e furnizimit.
Me mijëra familje në Pogradec dhe fshatrat e njësisë administrative të Buçimasit vuajtën mungesën e ujit të pijshëm si pasojë e problemit në rrjet në zonën e Drilonit.
Ndërkohë që sot, Partia Demokratike në Pogradec ka denoncuar mungesën e ujit, duke nxjerrë edhe foto nga radhët e banorëve teksa presin të mbushin bidonat në një çezmë në qytet.
