Detaje të reja kanë dalë në dritë nga sekuestrimi i 1.3 ton kokainë në portin e Savonës një ditë më parë.
Lënda narkotike ishte e fshehur në pjesën e zhytur të anijeve tregtare dhe u gjet nga Seksioni i Operacioneve Detare të Savonës.
Mediat e huaja shkruajnë se droga i përket një bande italo-shqiptare, pasi operacioni që është kryer nga autoritetet policore të Barit është vazhdim i atij të 2 janarit kur u arrestuan 4 shqiptarët, të cilëve iu gjet 353 kilogramë kokainë, e fshehur në dhomat e hotelit.
Ndërkohë kokaina e sekuestruar ditën e djeshme, ishte e ndarë në 741 pako, të ambalazhuara në 26 mbështjellës celofani, të fshehura me zgjuarsi në pjesët e motorëve të varkës, me një peshë totale rreth një ton.
Nga operacioni në total janë arrestuar 14 persona, 5 prej te cilëve shqiptarë.
