Kryeministri Edi Rama ka mbledhur sot në një takim, drejtorët e policisë në qarqe.
Darka po mbahet te vila qeveritare Nr.30 në zonën e ish Bllokut në Tiranë. I pranishëm është edhe ministri i Brendshëm, Çuçi dhe kreu i Policisë së Shtetit, Muhamet Rrumbullaku.
Për këtë ka reaguar edhe kreu i PD, Sali Berisha i cili e konsideron një darkë elektorale, dhe shprehet se kjo është një shkelje flargante e statusit të Policisë së Shtetit dhe kodit elektoral.
“Rama darkë elektorale me drejtuesit e policisë! Shkelje flagrante e statusit të Policisë së Shtetit, kodit elektoral”, shprehet Berisha.
Nga ana e qeverisë apo ministrisë së Brendshme, nuk ka pasur asnjë reagim lidhur me takimin në fjalë.
