Kandidati i opozitës për bashkinë e Tiranës në zgjedhjet lokale të 14 majit, Belind Këlliçi, me anë të një postimi në FB, ka denoncuar se rregullimi i rrugës “Xhon Belushi” nuk është asgjë tjetër veçse asfalt elektoral.
“Si qëndron e vërteta me asfaltin elektoral në Rr. “Xhon Belushi”.Këto nuk janë rrugë. Janë thjesht afera korruptive”, shprehet Këlliçi.
Këlliçi u shpreh se të tilla vepra janë afera korruptive ndërsa ka paralajmëruar se personat përgjegjës do të dërgohen para drejtësisë.
“Asfalti elektoral është gënjeshtër e vjetër, mentalitet i vjetër. Punë muajsh do i dali boja. Edhe për këtë aferë, Veliajn do e çoj përpara drejtësisë!”, shkroi ai.
Këlliçi denoncoi një ditë më parë aferën korruptive të Erion Veliajt, me rikonstruksionin e rrugës ‘Xhon Belushi’. Ai publikoi dokumentet që faktonin se punimet kishin nisur pa prokurim publik.
Kjo pasi tenderi për këtë rrugë është planifikuar të zhvillohet ditën e hënë në orën 10:00.
Ndërsa punimet në terren kanë nisur dy ditë më parë dhe po kryhen nga mjetet e ndërmarrjes së bashkisë Tiranës.
