Kryetari i Partisë së Lirisë, Ilir Meta në një konferencë për mediat ka treguar se marrëdhëniet me PD-në dhe kryetarin e saj Sali Berisha janë të shkëlqyera.
“ Një gjë është e sigurt që 2023 do jetë viti i ndryshimit. Sa i takon marrëdhënies me PD është e shkëlqyer dhe takimet e koordinimet tona janë të vazhdueshme, Jemi të hapur të bashkëpunojmë me cdo faktor opozitar në interes të ndryshimit të kësaj situate. Për ti dhënë fund kapjes së shtetit që e vuan cdo qytetar. Nuk e vuajnë vetëm ata në opozitë me këtë regjim, por pasojat e kësaj keqqeverisje i vuajnë të gjithë. Korrupsioni i përbindshëm shkaku kryesor pse jemi të parët në varfëri në rajon e kontinent”, është shprehur Meta.
Meta vazhdon me tej teksa shprehet se opozita do jetë kudo, duke vijuar me denoncimet e saj.
“Opozita do jetë kudo, duke vijuar me denoncimet e saj mediatike e në terren pranë institucioneve të drejtësisë dhe kur ato i mbajnë cështjet në sirtar.
Opozita do jetë kudo janë shqiptarët që kërkojnë ndryshimin e të mbrojnë ndryshimin nga ky shtet mafioz që kërkon të përjetësojë një klikë për të cilën nuk ka rëdnësi ku shkojnë forcat më aktive të vendit por ka rëndësi si të nxjerë në shitje interesat publike e kombëtare e të mbajë pushtetin në mënyrën më mafioze si ka ndodhur deri tani”, ka thën ish-presidenti.
