Një 28-vjeçar dhe një 44-vjeçar janë arrestuar nga policia e kryeqytetit këtë të premte.
Blut bëjnë me dije se këtë dy shtetas janë kapur duke vënë baste sportive, me aparat celular.
“Në vijim të veprimeve, nga shërbimet e Komisariatit të Policisë Nr. 1, u arrestua në flagrancë shtetasi L. Xh., 28 vjeç, banues në Tiranë, pasi u kap në një lokal, në rrugën “Petro Nini Luarasi”, duke vënë baste sportive, me aparat celular.
Gjithashtu, nga shërbimet e Komisariatit të Policisë Nr. 6, u arrestua në flagrancë shtetasi A. M., 44 vjeç, banues në Tiranë, pasi u kap në një lokal, në rrugën “Loni Ligori”, duke vënë baste sportive, me aparat cellular”, thuhet në njoftimin e policisë.
Në cilësinë e provës materiale u sekuestruan 2 aparatet celulare. Materialet i kaluan Prokurorisë, për veprime të mëtejshme.
