Dy persona janë arrestuar ditën e sotme nga policia për vepra të ndryshme penale.
Blutë bëjnë me dije se një 33 vjeçar me iniciale Zh. Sh. është arrestuar pasi dyshohet se ka ushtruar dhunë fizike dhe psikologjike ndaj babait të tij.
“Nga specialistët për Hetimin e Krimeve të Komisariatit të Policisë Vlorë u arrestua në flagrancë shtetasi Zh. Sh., 33 vjeç, banues në Vlorë, pasi dyshohet se ka ushtruar dhunë fizike dhe psikologjike ndaj babait të tij”,- thuhet në njoftimin e policisë.
Ndërsa është arrestuar në flagrancë shtetasi me iniciale E. K., 41 vjeç, banues në Sarandë, pasi ka bërë kallëzim një grua 52 vjeçe, se ky shtetas e ka ngacmuar seksualisht.
“Nga specialistët për Hetimin e Krimeve të Komisariatit të Policisë Sarandë u arrestua në flagrancë shtetasi E. K., 41 vjeç, banues në Sarandë, pasi ka bërë kallëzim një shtetase 52 vjeçe, se ky shtetas e ka ngacmuar seksualisht”,- thuhet në njoftimin e policisë.
Materialet iu referuan prokurorisë, për veprime të mëtejshme.
