Një aksident me vdekje ka ndodhur në orët e para të kësaj të shtune në Durrës. Ngjarja ndodhi në vëndin e quajtur “Shkëmbi i Kavajës”, ku një shofer 18 vjeçar ka humbur kontrollin e automjetit dhe për pasojë është përplasur me ambientet e jashtme të një hoteli.
Nga aksidenti ka humbur jetën shtetasi B. B., rreth 50 vjeç (punonjës pastrimi dhe gjelbërimi), i cili në momentin e përplasjes, ishte duke pastruar. Gjithashtu kanë mbetur të palgosura edhe dy vajza, të cilat ishin pasagjere në mjet.
50-vjeçari Bardhyl Beqiri ishte punonjës pastrimi dhe gjelbërimi dhe në momentin e përplasej, sipas policisë, ishte duke pastruar.
Shofer i automjetit në fjalë ishte 18-vjeçari Braian Hoxha. Ai udhëtonte bashkë me dy vajza 20-vjeçare, kur për shkaqe dhe në rrethana ende për t’u sqaruar humbi kontrollin e makinës dhe përfundoi në rrethimin e hotelit.
Përplasja ishte aq e fortë sa të plagosura mbetën edhe 2 vajzat që ndodheshin me të në mjet. Policia e shoqëroi 18-vjeçarin në komisariat dhe vijon punën për të sqaruar rrethana e ngjarjes së rëndë
