Një vajzë 15-vjeçare nga Italia, është zhdukur ditën e djeshme në Vlorë.
Ka qenë nëna e vajzës, M. G., 39 vjeçe ajo që ka denoncuar në polici se vajza e saj është larguar nga banesa dhe nuk është kthyer më.
“Më datë 20.12.2022, në Komisariatin e Policisë Vlorë është paraqitur shtetasja italiane M. G., 39 vjeçe, banuese në Vlorë, e cila ka kallëzuar se vajza e saj 15 vjeçe, është larguar nga banesa dhe nuk është kthyer më’, thuhet në njoftimin e policisë.
Ndërkaq uniformat blu po punojnë për gjetjen e 15-vjeçares.
