Mijëra ton hashash janë depozituar në depo dhe magazina shtetërore. Deklarata është bërë nga deputeti demokrat, Flamur Noka, sipas të cilit kjo sasi hashashi është gati për tu trafikuar.
I ftuar në emisionin “5 pyetje nga Babaramo”, Noka tha se pavarësisht asaj që thuhet, në Shqipëri sot janë të depozituara në depo mijëra ton hashash. Në këtë kuadër, ai shtoi se kjo ka qenë arsyeja që trafikantët kanë ulur sipërfaqet e mbjella në krahasim me një vit më parë. “Edhe vjet kur Guardia di Finanza raportoi shifrat, qeveria nxitoi të thotë se kishte shkatërruar 99% të sipërfaqeve të mbjella. Ishim ne që e kemi denoncuar si një shifër të gënjeshtërt.
Sepse na rezultoi se 0.2% paskësh qenë qindra ton, kjo ishte. Dhe ajo që u tha vjet, na bën ne që të jemi skeptik. Janë mijëra ton hashash i depozituar nëpër depo. Në shumë vende, institucione shtetërore, magazina, ka hashash të depozituar, gati për t’u trafikuar”, tha Noka.
Z.Noka, sipas të dhënave të Guardia di Finanza, në 2016 ishin 2086 parcela me kanabis, në 2017 janë zbuluar 88 sipërfaqe të mbjella. Ju duken të vërteta këto shifra?
Pavarësisht asaj që thuhet, në Shqipëri sot janë të depozituara në depo mijëra ton hashash. Kjo ka qenë arsyeja që trafikantët të ulin sipërfaqet e mbjella në krahasim me një vit më parë. Edhe vjet kur Guardia di Finanza raportoi shifrat, qeveria nxitoi të thotë se kishte shkatërruar 99% të sipërfaqeve të mbjella. Ishim ne që e kemi denoncuar si një shifër të gënjeshtërt. Sepse na rezultoi se 0.2% paskësh qenë qindra ton, kjo ishte. Dhe ajo që u tha vjet, na bën ne që të jemi skeptik.
Ku e dini ju që ka qindra ton të magazinuar?
Ku e dinim ne, përveçse gomonet që shpërthyen Adriatikun, filluan maunet që kalonin si të ishin me kunguj dhe jo me hashash, avionët gjithashtu. Janë mijëra ton hashash i depozituar nëpër depo. Në shumë vende, institucione shtetërore, magazina, ka hashash të depozituar, gati për t’u trafikuar.
Kjo është vepër penale. Pse nuk dilni ta thoni p.sh që në Lundër ka hashash?
Ne edhe për Saimir Tahirin kur thonim se është i lidhur kokë e këmbë me drogën, ju thoshit, disa vegla, thonit që opozita s’ka prova. Doli e tha antimafia italiane se makina e Tahirit, AA 003 GB kishte imunitet diplomatik dhe nuk kontrollohej. Të gjitha ato që kemi thënë janë të vërtetuara.
Sa drogë mund të transportojnë makina?
Trafikantët nuk njohin limit, janë të pangopur. Këta që janë brenda makinës kanë imunitet, prandaj është makina. Në përgjimet e antimafies thuhet se nuk kanë guxuar të kontrollojnë makinën. Eshtë një makinë me status diplomati, pra ministri ka status diplomati. Kur kemi të bëjmë me makinën e ministrit, është e vërtetuar, nuk ka kontradikta. Koha është ilaçi më i mirë, thotë populli.
