Ambasada e Shteteve të Bashkuara të Amerikës në Tiranë shkruan se mbrëmjen e djeshme është organizuar një dokumentar që përkujton historinë e marrëdhënieve 100-vjeçare mes Shqipërisë dhe SHBA-së.
Përmes një postimi në faqen e saj në FB, Ambasada e SHBA-së citon ambasadoren Kim të jetë shprehur se lidhja mes dy vendeve tona është e veçantë, e fortë dhe do të zgjasë në kohë.
Gjithashtu sipas Ambasadës, Kim ka thënë se kjo lidhje bazohet në besimin e përbashkët të dy popujve për lirinë, demokracinë, prosperitetin dhe drejtësinë dhe kapërcen çdo qeveri, udhëheqës apo person. Kjo, sipas Kim, e bën këtë lidhje të pathyeshme.
