Ambasada e SHBA-së në Tiranë ka ngritur alarmin se grupe të lidhur me Iranin mund të shënjestrojnë objektiva të caktuara në Shqipëri.
Përmes një postimi në rrjetet sociale, Ambasada Amerikane shkruan se në shënjestër mund të jenë subjekte të lidhura me SHBA-të ose elementë të opozitës iraniane në Shqipëri.
Po ashtu, sipas Ambasadës, sulmet mund të synojnë edhe vende të zakonshme si qendra tregtare, hotele, klube dhe restorante.
Njoftimi i plotë:
Grupet e lidhura me Iranin mund të shënjestrojnë subjekte të lidhura me Shtetet e Bashkuara ose elementë të opozitës iraniane në Shqipëri. Ata gjithashtu mund të synojnë vende të zakonshme, të tilla si vende turistike, qendra tregtare, hotele, klube dhe restorante. Ne i inkurajojmë qytetarët amerikanë të ushtrojnë vigjilencë të shtuar.
Veprimet që duhen ndërmarrë:
- Qëndroni vigjilentë
- Monitoroni median lokale për përditësime
- Jini të vetëdijshëm për mjedisin përreth
- Rishikoni planet tuaja personale të sigurisë dhe mbajeni telefonin celular të karikuar në rast emergjence
Ndihmë:
Ambasada e SHBA-së në Tiranë, Shqipëri
+(355) (0)4224-7285
+(355) (0)4224-7285 (pas orarit të punës)
[email protected]
https://al.usembassy.gov/services/
Departamenti i Shtetit – Çështjet Konsullore
888-407-4747 ose 202-501-4444
Informacion për Vendin e Shqipërisë
Regjistrohuni në Programin e Regjistrimit të Udhëtarëve të Mençur (STEP) për të marrë përditësime sigurie
Na ndiqni në Facebook dhe X
