Autoritetet amerikane kanë intensifikuar bashkëpunimin me Shqipërinë dhe vendet e tjera të rajonit në luftën kundër krimit të organizuar, pastrimit të parave dhe financimit të terrorizmit, duke vënë theksin te forcimi i kapaciteteve hetimore financiare.
Në një njoftim të Ambasada Amerikane, bëhet me dije se ekspertë të IRS-së kanë zhvilluar trajnime të posaçme për zyrtarët ligjzbatues në Shqipëri, Kosovë dhe Maqedoninë e Veriut, me fokus përdorimin e mjeteve moderne të hetimit financiar për identifikimin e aktivitetit kriminal dhe sekuestrimin e pasurive të përfituara në mënyrë të paligjshme, shkruan politiko.al.
Ky program, i mbështetur nga Departamenti Amerikan i Drejtësisë dhe Departamenti i Shtetit, synon jo vetëm rritjen e aftësive hetimore në rajon, por edhe forcimin e sigurisë ndërkombëtare përmes parandalimit të rrjeteve kriminale përpara se ato të zgjerohen dhe të përbëjnë kërcënim më të madh.
Postimi i plotë:
Autoritetet ligjzbatuese të Shteteve të Bashkuara po punojnë me autoritetet ligjzbatuese nga Shqipëria, Kosova dhe Maqedonia e Veriut për të luftuar krimin ndërkombëtar, financimin e terrorizmit dhe pastrimin e parave.
Në një program të udhëhequr nga Zyra për Zhvillimin, Ndihmën dhe Trajnimin e Prokurorisë Jashtë Vendit (OPDAT) e Departamentit të Drejtësisë të SHBA dhe i financuar nga Byroja Kundër Terrorizmit e Departamentit të Shtetit, zyrtarë nga Hetimi Kriminal i IRS-së shpjeguan se si të përdoren mjetet e hetimit financiar për të zbuluar aktivitete të paligjshme, për të siguruar prova për ndjekje penale dhe për të sekuestruar fitimet e përfituara në mënyrë të paligjshme.
Kjo jo vetëm që ndihmon dhe të garantojnë sigurinë e tyre, por gjithashtu forcon aftësinë e tyre për të ndaluar grupe të rrezikshme përpara se ato të fuqizohen dhe të shënjestrojnë Shtetet e Bashkuara.
