Një ngjarje e rëndë është shënuar më Luizia, Nju Orleans, teksa një shofere që punonte në Departamentin e Policisë së Nju Orleansit është sulmuar për vdekje me thikë nga një 29- vjeçar i identifikuar me emrin Brandon Jacobs.
Ngjarja ka ndodhur në autostradën ëestBank dhe Jacobs ishte pasagjeri. Mediat e huaja të cilat u referohen hetimeve për këtë ngjarje raportojnë se, 29- vjeçari ka filmuar viktimën dhe më pas videon e ka postuar në facebook.
Sipas policisë, 54-vjeçarja Yolanda Dillon nga Marrero, u gjet e goditur me thikë disa herë brenda një automjeti dhe u dërgua në spital ku ndërroi jetë. Ajo po çonte Jacobs në hotel të enjten rreth orës 15:00 kur u sulmua. Gjatë një konference për shtyp të premten, sherifi tha se Jacobs kishte pranuar vrasjen.
“Rrëfimi i tij thoshte se ai u zgjua në mëngjes dhe vendosi se do të vriste dikë dhe vendosi që kjo do të ishte dita e tij,” tha sherifi.
Jacobs u arrestua brenda disa orësh nga krimi i tij dhe u akuzua për vrasje të shkallës së dytë.
Burimi: People.com
