Një rast i rëndë i dhunës është shënuar në Malishevë të Kosovës, në ambientet e një shkolle. Policia njofton se një nxënëse është dhunuar nga mësuesja e saj. Policia gjithashtu njofton se mësuesja është vënë në pranga dhe me akuzën për këtë vepër penale.
“Malishevë 07.12.2022-20:35. Viktima femër kosovare ka pranuar trajtim mjekësor pasi që e njëjta derisa ka qenë në shkollë është sulmuar fizikisht nga e dyshuara femër kosovare mësimdhënëse. E dyshuara është arrestuar dhe pas intervistimit me vendim të prokurorit është dërguar në mbajtje”.
Nuk dihen ende motivet e ngjarjes, ndërsa pritet të zbardhen detaje pas marrjes në pyetje të të arrestuarës.
