Ditën e sotme po mbahet në Tiranë për herë të parë takimi i nivelit të lartë mes udhëheqësve të BE-së dhe atyre të Ballkanit Perëndimor, ndërkohë opozita ka paralajmëruar organizimin e një proteste.
Kreu i PD-së Sali Berisha deklaroi se kjo protestë po organizohet në mbrojtje të vlerave europiane, të cilat sipas tij, po rrezikohen dhe po kërcënohen nga kreu i qeverisë, Edi Rama.
Berisha ka bërë thirrjen e fundit për mbështetësit e tij për të dalë në protestë në orën 12:00 në Bulevardin Dëshmorët e Kombit.
“Sot tirani lebetitet! Uragan i paparë në ora 12:00 në Bulevardin Dëshmorët e Kombit!” shkruan Berisha.
