Një 45-vjeçar shqiptar në kërkim nga autoritet italiane është vënë në prangat e policisë në aeroportin Orio al Serio (Bergamo). Ai ishte i dënuar me 7 vjet burg dhe 30 mijë euro gjobë me akuzën e trafikut të heroinës dhe marihuanës.
Trafiku i heroinës dhe marihuanës ka ndodhur në periudhën e fillimit të viteve 2000, midis Marche dhe rajoneve të tjera qendrore-veriore, në veçanti Lombardisë.
Shqiptari ishte pjesë e një bande të strukturuar kriminale të dedikuar për trafikun e drogës dhe simulimin e vjedhjeve të makinave për të mashtruar kompanitë e sigurimit.
Falë veprimtarive hetimore informative të Seksionit të Arrestuar të Komisariatit të Policisë Ankona, i kërkuari u kap në Shqipëri. Ai kishte ardur në Shqipëri duke përfituar nga një periudhë lirie pa kufizime. Me të mbërritur në shtëpi, duke përfituar nga rregullat shqiptare, kishte vazhduar me rinovimin e dokumenteve të identitetit të vlefshëm edhe për jashtë vendit, me të dhënat personale të modifikuara pjesërisht për t’iu shmangur kapjes, raporton ANSA.
