Kryeministri Edi Rama ka habitur të gjithë duke thënë se Shqipëria është shteti i parë në botë për rritjen e turizmit krahasuar me vitin 2019, kur filloi pandemia e COVID-19.
Rama ka ndarë në “Facebook” një grafik që pretendon se Shqipëria ka pasur rritje pozitive me 18%, ndërsa ka lënë pas shumë destinacione të preferuara.
“Shqipëria radhitet e para nga Organizata Botërore e Turizmit (UNWTO) si destinacioni me performancën më të mirë në rritje të flukseve turistike krahasuar me vitin 2019”, shkruan Rama.
Në krahun tjetër Shqipëria po përjeton një shpopullim të paprecedent ku sipas organizatave ndërkombëtare bëhet me dije se rreth 700 mijë shqiptarë janë larguar nga vendi në 10 vitet e fundit. Gjithashtu është rritur edhe fluksi i emigrantëve që rrezikojnë jetën duke kaluar me gomone drejt Britanisë së Madhe.
