Kreu i Partisë Demokratike, Sali Berisha, ka publikuar një video në FB ku në fokus janë shqiptarët të cilët janë nisur me gomone drejt Anglisë.
Berisha shprehet se shqiptarët kanë braktisur vendit si pasojë e keqqeverisjes së Ramës.
“Ky është 110 vjetori i Pavarësise së Shqiperisë nën monizmin e Edi Ramës! Rama dhe qeveria e tij e shpopullimit të Shqiperisë janë pa atdhe, pa komb e flamur! Te dashur miq, këtë 110 vjetor edhe në këtë dite të bekuar qindra e mijëra shqiptarë janë të detyruar të largohen nga vendi, nga mjerimi, nga dëshpërimi. Të detyruar nga Edi Rama dhe qeveria e tij pa atdhe, pa komb, e pa flamur, pjesa më vitale e shoqërisë lë pas familjen, njerëzit më të dashur, Shqipërinë. Po qeveri e turpit dhe gomoneve po përzë të rinjtë tanë, fëmijët tanë, të largohen nga toka e tyre”, shkruan Berisha.
Teksa i ka uruar për ditën e pavarësisë, Berisha ka premtuar se do të përmbysi monizmin e Ramës të bazuar në vjedhjen, drogën dhe krimin.
“Duke ju uruar të gjithë atyre Gëzuar Ditën e Pavarësisë, zotohem në emër të Partsë Demokratike se do bëjmë gjithçka që ashtu siç përmbysëm 30 vite më parë monizmin komunist të etërve xhelat të Edi Ramës do të përmbysim monizmin e tij të bazuar në vjedhjen, drogën dhe krimin që po ju dëbon ju sot nga votrat tuaja. Gëzuar! Rroftë Shqipëria #sb”, përfundon Berisha.
