Një ngjarje e rëndë raportohet të ketë ndodhur në Itali.
Mediat e huaja bëjnë me dije se dy shqiptarë të moshës 22 dhe 32 vjeç janë arrestuar me akuzën e përdhunimit në grup ndaj një vajze të mitur. Ngjarja ka ndodhur një natë më parë, teksa të rinjtë ishin në një klub nate të njohur në Vladesa nën efektin e drogës dhe alkoolit. Siç bëjnë me dije edhe hetimet lidhur me rastin, dy shqiptarët kanë përfituar nga gjendja e dehur e vajzës dhe dyshohet se e kanë përdhunuar brenda një makine, parkuar jo shumë larg hyrjes së klubit.
E mitura është dëguar pranë shtëpisë së saj dhe është lënë aty në kushte të këqija psikofizike. Sipas mediave italiane, pas denoncimit të vajzës në komisariatin e Poggibonsit, kanë nisur hetimet, të koordinuara nga prokurori publik në Gjykatën e Sienës, të cilat kanë çuar në identifikimin e dy të dyshuarve. Pas arrestimit, dy shqiptarët u dërguan në burgun Santo Spirito në Siena.
Oficerët e policisë së Komisionerit të Sigurisë Publike Poggibonsi, në bashkëpunim me Policinë Postare, Skuadrën Lëvizëse të Shtabit të Policisë së Sienës dhe Njësitë e Qenve të Firences, kontrolluan shtëpitë e dy shqiptarëve në kërkim të telefonave, rrobave të veshura. Qeni i policisë ‘Eviva’ gjatë operacioneve ka gjetur edhe sasi të vogla droge në shtëpinë e njërit prej dy të dyshuarve.
Burimi: Leggo.it
