Seanca e sotme plenare ka nisur me debate e replika të forta, për shkak se kryetarja e Kuvendit, Lindita Nikolla, reagoi pas urdhrit të Edi Ramës, duke mos lejuar kreun e opozitës që të fliste.
Berisha duhej ta merrte fjalën për procedurën, pasi duhej të replikonte me kreun e grupit parlamentar socialist, Taulant Balla, por nuk është lejuar t’i përgjigjet duke i’u bllokuar fjala.
Deputetët e opozitës kanë rrethuar foltoren. Pas tyre dhe punonjësit e Gardës.
Kryeministri Rama ka qëndruar në vendin e tij, e teksa Berisha i drejtohet me gisht, ai mban fytyrën mes duarve. Më tej shihet teksa pi kafen, një ritual i zakonshëm i tij në seancat plenare.
