Kryeministri Edi Rama ka mbledhur Këshillin Ekonomik Kombëtar për herë të parë pas formimit të qeverisë në këtë mandat të dytë qeverisës.
Në këtë takim do të konsultohet për Paketën Fiskale, për buxhetin 2018, dhe për thjeshtimin e procedurave administrative për sipërmarrjen e qytetarët
Në fjalën e ti Rama theksoi se do të vëmë në lëvizje ministritë në funksion të adresimit të problemit të sipërmarrjes.
Rama theksoi se të gjitha dokumentet e kërkuara në zyra do ti sigurojnë vetë zyrat, qytetarët nuk do të sigurojnë asnjë nga këto dokumente.
“Kjo reformë synon të garantojë lehtësimin kapital, çdo dokument që i kërkohet qytetarit apo një kompani, vetë zyra kërkuese duhet ta sigurojë për të. Çdo dokument që prodhon vetë shteti do të sigurohet nga zyra që e kërkon,”
Po ashtu kryeministri tha se do të përjashtohen nga tatimi i disa taksave të gjitah bizneset e turizmit që sigurojnë qëndrim.
“Pas uljes së TVSH-së, ne do të përjashtojmë nga tatim fitimi, të gjitha investimet në turizëm për struktura akomoduese me katër apo pesë yje. Këto duhet të jenë të certifikuara sipas brenderve ndërkombëtare. Me këtë certifikatë përfiton, këto lehtësira. Ministria e ekonomisë do të prezantojë platformën online,” tha Rama.
