Banorët e fshatit Postribë të Shkodrës e kanë nisur këtë të shtunë duke protestuar sërish teksa mbanin në dorë shishe të mbushura me ujë të ndotur duke përcjellë mesazhin se shëndeti i tyre është në rrezik për shkak të ndotjes së ujit.
Banorët kërkojnë përgjigje për paditë e tyre të bëra kundër ndërtimit të gurores që rrezikon të shkatërrojë të gjithë ekosistemin e zonës, duke ndotur edhe ujin e pijshëm.
Në shenjë revolte banorët thanë se nuk do të paguajnë faturat e ujit deri në zgjidhje të situatës.
“Ju lutem mos paguani faturën e ujit,asnjë cent për këtë shtet të korruptuar. As bagëtia nuk e pi këtë ujë o njerëz, ky është fundit. Ai që e paguan është tradhtar i këtij vendi”, u shprehen banorët.
