Kreu i Partisë Demokratike Sali Berisha teksa ka ndarë një foto nga protesta e 12 nëntorit, ka bërë sërish një thirrje.
Berisha shkruan se ‘flamuri na fton për betejë’, duke paralajmëruar një valë protestash kombëtare që do të rrëzojnë qeverinë e Edi Ramës.
‘Mirëmëngjes miq me këtë foto! Flamuri na fton për betejë!’, shkruan Berisha në FB.
Ndërkohë Berisha ka zbuluar mbrëmjen e djeshme në një emision televiziv, se protesta kombëtare e radhës e opozitës do të zhvillohet në Dhjetor.
Berisha tha se do të protestohet në mënyrë të vazhdueshme me qëllimin që shqiptarët të votojnë të lirë.
“Shqiptarët do votojnë të lirë, nëse nuk ndodh ne nuk jemi më”, theksoi Berisha.
Kreu i PD shprehu sigurinë se Rama do të mundet në zgjedhje.
