Kuvendi ka votuar kundër kërkesës së Prokurorisë së Krimeve të Rënda për dhënien e autorizimit për arrestimin e ish-ministrit të Brendshëm, Saimir Tahiri
Vendimi u mor me 75 vota kundër dhe 60 pro. Në votim u hodhën të dy raportet.
Raporti i mazhorancës, që autorizon vetëm hetimin dhe kontrollin e banesës, por jo arrestimin e Tahirit, pasi sipas tyre prokuroria nuk ka prova të mjaftueshme për arrestimin e ish-ministrit të Brendshëm.
Si dhe raporti i opozitës që kërkonte heqjen e imunitetit dhe arrestimin e ish-ministrit të Brendshëm, pasi sipas saj ekzistojnë fakte të besueshme për përfshirjen e Saimir Tahirit në trafik droge, si dhe veprën penale korrupsion i zyrtarëve të lartë.
Prokuroria për Krimet e Rënda iu drejtua Këshillit të Mandateve dhe Imuniteteve iu drejtua Kuvendit me kërkesën për heqjen e imunitetit të Tahirit, me qëllim arrestimin e tij, kontrollin personal dhe të banesës. Prokuroria thotë se ka prova që e implikojnë ish – ministrin me grupin e vëllezërve Habilaj.
