Situata politike në Shqipëri, ka bërë që edhe vetë politikanët të mos kenë më besim as tek njëri-tjetri, por as tek drejtësia.
Kreu i Partisë Demokristiane Nard Ndoka, e ka humbur përfundimisht besimin tek politika se një ditë mund të vënë drejtësi në vend. Përmes një statusi në Facebook, Ndoka thekson se vetëm perëndia mund të dënojë Ramën dhe qeverinë e tij të inkriminuar.
Ja çfarë shkruan Ndoka:
Zoti do vendosë drejtësi në këtë vend!
Unë kam besuar shumë kohët e fundit, se kjo qeveri nuk rrëzohet me vota, as me protesta, as nga opozita, as nga drejtësia, por vetem nga Perëndia!
Kur Rama mendoi se kishte finalizuar çdo gjë: Fitore plebishitare, asfiksim të opozitës, gjymtim të LSI, privatizim të ekonomisë, skllavërim të drejtesisë, miklim të ndërkombëtarve; më shumë se kaq nuk kishte ëndërruar, as kur ishte nën efektin tymues!
Të gjithë u frikësuam: populli heshti, opozita përpëlitej, drejtësia po kapitullonte, institucionet u ngrinë, presidenti noterizonte, ndërkombëtarët humbën, shoqeria civile flinte e kazanët zienin ‘supë falas’!
Vend pa shprese, pa perspektivë, pa të ardhme, në prag kapitullimi dëshpërues; sa turp, sa keq, sa pa fat, uzorpim, heshtje, frike, pendesë reflektim dhe përsëri dëshpërim!
Zoti vonon, por nuk harron!
Italia, Katalania, antimafia, prokuroria, opozita, kuvendi, Sajmiri, Rama, Balili, Zagani, të gjithë folën. Zoti i ndihmoftë!
Zoti do flasë shqip!
Besimi në Zot, nuk vdes kurrë! ????
