Një ngjarje e rëndë ka ndodhur sot në hyrje të qytetit të Beratit ku një automjet ka përplasur një këmbësore që po kalonte rrugën.
Mjeti tip Citroen me targë AB028ES ka qenë duke qarkulluar nga qyteti i Beratit në drejtim të Dimalit me shofer Enea Mehmetajn. Në vendin e quajtur “Ura e Anit” shtetasja Liljana Salillari, 50 vjeçe, ka qenë duke kaluar rrugën për të shkuar në lokalin që ishte e ftuar në dasmë.
Për pasojë të ndiçimit që mungon në këtë aks rrugor dhe shpejtësisë së drejtuesit të mjetit, është përplasur këmbësorja e cila ndodhet në gjendje të rëndë shëndetësore në spitalin Rajonal të Beratit duke marrë ndihmë mjekësore.
Në vendngjarje kanë mbërritur efektivë të shumtë të policisë rrugore dhe ekspertë,që janë duke kryer edhe kqyrjen e vendgjarjes,për të zbuluar shkaqet dhe dinamikën e aksidentit.
