Përfaqësuesja shqiptare e futbollit po luan në Marbeja të Spanjës një ndeshje miqësore me Katarin. Një sfidë e cila ashtu si ajo me Arabinë Saudite, u ka shërbyer organizatorëve të Botërorit si përgatitje për evenimentin. Pjesa e parë është mbyllur 1-0 në favor të Katarit.
Po ashtu si në ndeshjen e mëparshme, me kërkesë të organizatorëve të cilët paguan FSHF për të luajtur këtë ndeshje, sfida nuk u transmetua dhe publiku ka qenë në terr të plotë. E megjithatë, kjo sfidë nuk u ka shpëtuar kompanive të basteve sportive, të cilat kanë vendosur koeficientet e tyre për duelin në fjalë.
Një numër i madh kompanish bastesh ndërkombëtare kuotonin ndeshjen dhe mesatarisht që në fillimin e saj, i jepnin fitoren Katarit me koeficientin 1.57. Barazimi i kësaj sfidë vlerësohej prej tyre me 3.70, ndërsa suksesi i Shqipërisë mesatarisht me 5,80. Duhet theksuar se një pjesë e madhe e këtyre kompanive e kanë kuotuar ndeshjen LIVE.
