Kreu i Partisë së Lirisë, Ilir Meta në një komunikim për mediat, ka folur për zgjedhjet vendore të 14 majit dhe protestën e 12 nëntorit.
Ilir Meta është shprehur se të 7 demokratët që kanë paraqitur kandidaturat e tyre në primaret e PD-së për Bashkinë e Tiranës i sheh si të fortë.
“Secilin prej tyre e shoh më të fortë, ai që do të përzgjidhet nga ky proces, cilido që zgjidhet do ketë përkrahjen tonë të PL, Situata në Tiranë është katastrofike, mungesë transparence, llogaridhënie zero, përveç arrogancës, situata është pozitive për opozitën, të përqendrohen tek programi i tyre, për ti kthyer Tiranën qytetarëve”, tha Meta.
Pyetje: Kur do të bëhet publik emri që i keni propozuar Berishës?
“Duhet të jeni të qetë, do të ketë shumë emra që do ti rikthejnë llogaridhënien qytetit. Vetë qytetarët do të japin propozimet e tyre si Tirana të jetë qytet i dashur për banorët e saj.“- tha Meta.
Ndërkohë i pyetur për protestën 12 nëntorit, meta tha se “jam i bindur që do të jetë shkëlqim i qytetarisë së Tiranës dhe të gjithë Shqipërisë , kjo është një qeveri për të cilën kënga e numërimit mbrapsht ka filluar prej kohësh. Do të dalin kudër gjobave me të cilat rilindja ka ngarkuar qytetarët për ti mbajtur peng. Kemi një dhunë sistematike, nga ana e kryeministrit për të frikësuar qytetarët. Çdo sekondë vijojnë me vjedhje mosntruoze”.
