Mançester Junajtid pësoi një humbje shokuese përballë Aston Vilës në transfertë me rezultatin 3-1. Për këtë sfidë, trajneri Erik Ten Hag, kishte zgjedhur që të aktivizonte si kapiten Kristiano Ronaldon, por gjërat nuk shkuan ashtu siç portugezi i priste.
Në minutën e 60’, portugezi pati një përplasje me mbrojtësin anglez, Tajron Mings, e cila u bë më e ashpër seç pritej.
U desh ndërhyrja e lojtarëve të tjerë për të ndarë dy lojtarët nga njëri-tjetri. Gjithashtu ky rast u hap dhe me VAR për një penallti të mundshme për Mançester Junajtid, ose një karton i kuq për Ronaldon, por që më pas nuk u vendos asgjë.
