Kryetari i Partisë Demokratike Sali Berisha e ka quajtur Edi Ramën një skllav pasi me urdhër Aleksandër Vuçiç ka hapur doganat që të shkatërrojë prodhimet shqiptare, ndërsa me urdhër të Erdogan të mbyllë shkolla e kopshte.
“Ky rend si vasal i Aleksandar Vuçiç nga Samiti në Samit, duke e mbrojtur, në një kohë kur Europa dhe NATO i thotë zotëri do të qëndrosh me rusët apo do kthehesh këtej? Ky është i vetmi njeri në Europë, skllav i Vuçiç që thotë mos ma luani padronin, mos i thoni të zbatojë sanksionet se populli serb 80% e tyre duan Putinin. S’e thotë askush këtë përveç Edi Ramës.
Njëri i jep urdhra për të mbyllur shkolla e kopshte, tjetri i jep urdhra për hapur doganat, për të shkatërruar prodhimin shqiptar. Mijëra lopë race janë therë në të katër anët e Shqipërisë dhe shqiptarët pinë qumësht pluhur që vjen nga Serbia. Tani po u heq tarifën që u takon birrë prodhuesve të vendit për vëllezërit Kariç dhe të mbyllë e të lërë pa rroga mijëra familje të punësuar në këtë industri.”- tha Berisha.
