Kryeministri Edi Rama reagon menjëherë pas kërkesës të bërë nga Partia Demokratike, se do të kërkojë ngritjen e një Komisioni Hetimor për fluturimet me charter të kreut të qeverisë. Rama i quan kundërshtarët opozitarë “mjeranë në shërbim të rublave ruse”.
“Njerëz me bisht në vend të gjuhës që tallen me Shqipërinë e shqiptarët, mjeranë në shërbim të Rublave ruse! Vazhdojnë me 22 milionë € për fluturimet e kryeministrit, ndërkohë që udhëtimet e mia kanë kushtuar më pak se gjysma e fluturimeve të Nongratës! #MeFakteJoMeRubla”, shkruan Edi Rama.
Nënkryetari i Partisë Demokratike, Luçiano Boçi tha sot se PD do të kërkojë ngritjen e një komisioni hetimor për të zbuluar para shqiptarëve “fytyrën e vërtetë të regjimit”. Sipas tij, çdo tentativë për të penguar këtë komision do të konsiderohet si përpjekje për të fshehur të vërtetën para shqiptarëve.
Kujtojmë se disa ditë më parë hakerat publikuan të dhënat personale të kryeministrit Edi Rama, ku bënin pjesë edhe udhëtimet që ai kishte kryer me charter. Në një reagim Rama tha se këto udhëtime nuk janë bërë me charter personal, por me një avion.
