Kryetari i Partisë së Lirisë, Ilir Meta e ka nisur ditën e hënë me një mesazh motivues për të rinjtë në Shqipëri.
Gjatë një postimi në rrjetet sociale, Meta publikon një video nga Konventa e Partisë së Lirisë ku shpërndan fjalën e pedagogut të ri të të Fakultetit Ekonomik
“Liria po vjen! Liria do të mbizotërojë! Ky ishte mesazhi i qartë i Konventës të parë të Partisë të Lirisë. Ndiqni mesazhet e Kristian Kinës pedagogut të ri të Fakultetit Ekonomik”, shkruan Ilir Meta teksa poston videon më poshtë.
Ilir Meta është zgjedhur zyrtarisht kryetari i Partisë së Lirisë, ndërsa nuk kishte asnjë kandidat tjetër. Komisioni i Zgjedhjeve të Partisë së Lirisë, në fund të procesit të votimit dhe numërimit të votave, bëri me dije se për Kryetarin e Partisë së Lirisë votuan 722 delegatë, nga të cilët 719 pro kandidatit Ilir Meta dhe 3 delegatë votuan kundër.
Ndërsa në votimin për anëtarë të Komitetit Drejtues Kombëtar, morën pjesë 722 delegatë dhe pas verifikimit dhe llogaritjes së rezultateve, në përputhje me vendimin e Konventës, u zgjodhën 236 anëtarë të Komitetit Drejtues Kombëtar, numër të cilit i shtohen edhe 5 anëtarë, të cilët janë pa votim (ex-officio), ku përfshihen 4 deputetët e Partisë së Lirisë dhe Kryetarja e Lëvizjes Rinore për Integrim.
Në konventën e parë të partisë së Lirisë Ilir Meta shpalli platformën politike për zgjedhjet e ardhshme.
