Deputeti i Partisë Demokratike, Belind Këlliçi ka deklaruar se SPAK i ka dhënë pafajësinë për çështjen e hapur me kreun e OSHEE-së, Ardian Çela. Çështja lidhet me akuzat që erdhën pas deklaratave se zgjedhjet e vitit të kaluar në Durrës janë vjedhur.
“Pas 16 muajsh merr fund saga e kallëzimeve penale ndaj meje për deklaratat që kam vërë vitin e kaluar mbi zgjedhjet në Durrës. Sot ishte vendimi i fundit ku më është dhënë pafajësia. Baroni i OSHE, Ardian Çela që e kam pritur ta kem përballë në çdo seancë të gjitha ato që kam thënë në deklarata publike mbi vjedhjen e zgjedhjeve. Për këtë qendrim timin kam pasur mbi 10 kallëzime dhe ky është vendimi i fundit dhe unë kam marrë pafajësinë. Kjo tregon që akuzat e ngritura në mars e prill të 2021 për krimet zgjedhore në Durrës, qendrojnë. Rama i ka vjedhur zgjedhjet. Do kisha dashur që baronin e OSHE, ta kisha përballë për t’ia thënë në sy akuzat”, tha ai.
Partia Demokratike depozitoi në SPAK dy padi penale ndaj punonjësve të administratës dhe zyrtarëve socialistë në Qarkun e Durrësit. E para ishte kundër deputetit socialist Jurgis Çyrbja, ku PD e akuzon për shpërdorim detyre në kohën kur ai ka qenë drejtor i Hipotekës së Durrësit. Padia e dytë, kishte të bënte me shitblerjen e votës, duke akuzuar drejtorin e OSHEE-se, në atë kohë, koordinatorin e PS-së në Durrës, Ardian Çela.
