Mbahet sot konferenca ndërkombëtare “Roli i Gjykatave Kushtetuese në Demokracitë e Reja”.
Ambasadorja Amerikane, Yuri Kim me një mesazh të fortë i është drejtuar prokurorëve dhe gjyqtarëve të cilëve i ka kërkuar që të mos pranojnë ryshfet por të bëjnë punën në mënyrë të drejtë.
Mesazhe i ambasadores së SHBA-së, Yuri Kim:
“Reforma në drejtësi nuk ka qenë e lehtë e shpejtë apo e përsosur por po jep rezultate reale. Po ecën përpara. Ata që e kundërshtojnë këtë përparim dhe do të donin që të mos kishin rezultate të vërteta janë gjithashtu duke dyfishuar përpjekjet e tyre.
Do të donin që ta tërhiqnin Shqipërinë pas në të shkuarën në një kohë kur gjyqtarët e prokurorët mund të bliheshin e kërcënoheshin.
Për të gjithë ata që duan të tërheqin Shqipërinë drejt të shkuarës, koha juaj ka mbaruar.
Ju shijuat privilegjet, imunitetit. Mbushët xhepat tuaj, të fëmijëve tuaj dhe të miqve tuaj. Tani stop. Koha juaj mbaroi.
Stop. Eshtë koha që të lini shqiptarët të besojnë se ka drejtësi në Shqipëri dhe ia vlen për ta dhe fëmijët e saj të qëndrojnë. Se ka të ardhme më të ndritur.
Duhet ta bëjë çdo prokuror dhe çdo gjykatë. Ndaloni së marruri thirrjet telefonike, së pranuari dhurata. Ndaloni së qeni të frikësuar nga ato kërcënime. Bëni punën tuaj. Lëreni popullin shqiptar të marrë frymë, lëreni të jenë të lirë. Lëreni Shqipërinë të jetë e shkëlqyer”
