Seanca e sotme parlamentare ka nisur me debate mes deputetit të PD-së Tritan Shehu dhe kreut të grupit parlamentar të PS-së Taulant Balla.
Fokus i debatit ishte fjalimi i kryeministrit Edi Rama në KiE të cilin Shehu e cilësoi ‘fjalim pocaqi’ që më shumë e dëmton Kosovën dhe procesin e saj të anëtarësimit.
”Të dënohet gjenocidi serb në Kosovë. Ju nuk e përmendet materialet që janë depozituar. Keni frikë nga një diskutim i tillë. Tashmë është i domosdoshëm dy diskutim. Fjalim pocaqi i kryeministrit në Këshillin e Europës, i cili më shumë dëmtoi Kosovën dhe proceset e saj të anëtarësimit. Pa goditur gjenocidin serb në Kosovë çdo veprim tjetër është i kotë”, tha Shehu
Ndërsa Taulant Balla i kërkoi ta tërheqë mbrapsht deklaratën: “E para tërhiqe mbrapsht atë për sipas teje fjalimin pocaqi. Kush është fjalimi pocaqi, që të zhbëjmë atë që keni bërë ju me Sali Berishën nga 2008. Në xhepat tuaj kanë hyrë rublat ruse nga 2008. Është për fajin tuaj Tritan, që në 2008 kur Kovaçev, kryetar i delegacionit rus të partisë së Putinit ka depozituar në asamblenë parlamentare të Këshillit të Europës rezolutën mbi të cilën lindi rezoluta e Dick Martyt ju e votuat.
Turp nuk keni?! Si keni guxim?! PD bashkë me partinë e Metës në 25 janar 2011 keni shkuar dhe keni votuar një rezolutë, e turpshme. Nuk ka miratuar kurrë një institucion ndërkombëtar si ajo rezolutë.
As te filmat, te kanali i filmave thriller nuk ekziston. Si ka mundësi Tritan. Duhet ta dish se Kuvendi nuk ka asnjë detyrë tjetër, sesa të zhbëjë atë tradhti që ke bërë ti, se ti ishte deri në vitin 2009 se të hoqën, ishte Saliu, zgjoje nga gjumi e të tregojë se një rezolutë nuk është kundërshtuar nga ju dhe është votuar.
Ne si Kuvend, kryeministri e Qeveria po bëjnë punën e tyre. Shqipëria nuk është vend i dorës së dytë më, po bëjmë një punë për të pastruar atë që keni bërë ju. Lufta e Kosovës është një luftë e pastër dhe për liri, ndaj e them troç nga Kuvendi, rroftë UÇK”.
Tritan Shehu reagoi sërish duke thënë se deputetët nuk po lejohen të flasin pasi “ekziston frika se nëse ngrihet çështja e gjenocidit serb në Kosovë do të zemërohet Vuçiç”.
“Nuk mund të fshihet mjegullnaja, a t’i hapim kartat po, po nëse ne bllokojmë diskutimin. Çfarë do argumentojmë, se është frika se na zemërohet Vuçiç nëse ne ngremë çështjen e genocidit serb në Kosovë. U ndalua në mënyrë më arbitrare. Fjala që tha Balla, ishte pa përmbajtje. Nuk shprehu asgjë për rregulloren, të gjithë deputetët këtu nuk po lenë që të flasin. Hajde ta diskutojmë, debati është i gjatë. Vetëm debati mund ta bëjë këtë”, tha Shehu.
