Televizioni amerikan, Fox News, raporton se rrjeti i parave të errëta, Arabella Advisors po vazhdon zgjerimin.
Tanimë ky rrjet i parave të errëta është më i madhi në SHBA.
Po çfarë është Arabella Advisors?
Bëhet fjalë për një firmë konsulence, e cila përfshin miliarda dollarë donacione të hedhura për të ndihmuar politikanët dhe kauzat e majta në SHBA.
Pjesë e këtij grupi me qendër në Uashington janë dhjetëra grupe në hije të së majtës, që kanë punuar edhe me administratën e presidentit aktual, Joe Biden.
Së fundmi, kompania Arabella Advisors, ka blerë edhe gjigantin Kiwi Partners.
“Ky zgjerim vjen në momentin kur kompania Arabella Advisors po pozicionohet si rrjeti më i madh i parave të errëta. Kjo tregon se si demokratët po shfrytëzojnë donacionet anonime, ndërkohë që kundërshtojnë publikisht ndikimin e tyre në politikë,” shkruan Fox News.
Një nga donatorët më të mëdhenj që kanë derdhur paratë e tyre në këtë rrjet është edhe miliarderi George Soros. Ndikimi i tij është shumë i madh në këtë kompani të donacioneve të fshehta, aq sa disa thonë se Arabella është kompania e tij.
Fox shkruan se Soros ofron miliona për grupet që janë pjesë e këtij rrjeti të parave të errëta.
Mes tyre është dhe ‘Governing for Impact’, një grup që thotë se ka punuar për të implementuar të paktën 20 çështje në axhendën e presidentit Biden.
Për të kuptuar fuqinë e Arabella Advisors, mjafton të kujtojmë se në vitin 2020, katër fonde të kësaj kompanie mblodhën 1.6 miliardë dollarë nga donatorët sekretë.
Arabella Advisors drejtohet nga Eric Kessler, një ish-zyrtar i administratës së ish-presidentit Bill Clinton.
