Një 30-vjeçar është dënuar me 9 vite burg pas akuzave për sulm seksual ndaj 18 grave e vajzave në Janinë.
Mediat vendase raportojnë se ai kishte sulmuar seksualisht në vitin 2017 vajzat e zonës ku banonte, e ndërkohë dënimi i tij me 9 vite burg erdhi pas 5 vitesh kur edhe u shpall fajtor.
Gjyqi i parë u zhvillua në Prevezë në vitin 2020, ku gjykata më pas i shqiptoi dënimin me pesë vjet burg, ndërsa ai u lirua me kusht.
Në momentin e arrestimit autori ishte 25-vjeç dhe aktivitetin e kryente gjatë natës, pasi dallonte vajza të reja që ecnin të vetme, i ndiqte në këmbëm shumicën e kohës edhe deri në hyrje të pallatit ku banonin, dhe kryente veprime të turpshme ndaj tyre.
Pas arrestimit në Policinë e Janinës kanë ardhur edhe viktima të tjera për të dëshmuar. Pra, totali i rasteve të sulmeve arriti në 18!
Viktimat dhe autori dolën përpara gjykatës, ku ky i fundit u duk se nuk kishte dijeni për veprimet e tij.
