Sulmuesi i PSG-së Kylian Mbappe do të largohet nga klubi në korrik. Lajmi është raportuar nga media spanjolle “MARCA”.
Sipas një burimi pranë sulmuesit, marrëdhënia e Mbappe dhe klubit është “shkatërruar” plotësisht. 23-vjeçari ndjehet i tradhtuar nga klubi pasi nuk kanë përmbushur premtimet e bëra në momentin e rinovimit.
Edhe pse Real Madrid ka qenë prej kohësh në kërkim të yllit parisien, duket se në lojë ka hyrë edhe ekipi i Premier Ligës, Liverpul. Sipas të njëjtave burime, lojtari në fakt ka kërkuar që të largohet që në janar, pro PSG është gati ta lejojë atë të largohet në korrik, vetëm në drejtim të anglezëve dhe jo madrilenëve.
Ende nuk dihet ku do të jetë e ardhmja e Mbappe, por një gjë duket e sigurt nga raportimi në mediat spanjolle, se sulmuesi do të largohet nga PSG-ja në korrik.
