Policia ka arrestuar një 21-vjeçar në Elbasan pasi ka ushtruar dhunë fizike dhe psikologjike ndaj nënës së tij.
Sipas njoftimit të policisë, në pranga ka rënë i riu me iniciale E.Z, i cili tashmë në drejtësi do të përballet me veprën penale “Dhunë në familje”.
“Specialistët për Hetimin e Krimeve në Komisariatin e Policisë Elbasan, arrestuan në flagrancë shtetasin E. Z., 21 vjeç , banues në Elbasan, për veprën penale ” Dhuna në familje” , pasi ka ushtruar dhunë fizike e psikologjike ndaj nënës së tij”, thuhet në njoftimin e policisë Elbasan.
Materialet proceduriale në ngarkim të 21-vjeçarit kanë kaluar në Prokurorinë e Elbasanit.
