Deputeti i PD Luan Baçi ka folur për zgjedhjet vendore, ku u shpreh se PD tashme ka nisur fushatën dhe se këto zgjedhje do të jenë një test për forcën më të madhe opozitare ne vend.
“ PD tashmë ka filluar fushatën zgjedhore për zgjedhjet bashkiake, pasi ka kaluar një proces të gjatë riorganizimit të strukturave të saj. PD është në një aktivitet të përditshën.Në krye të kësaj lëvizje është kryetari Sali Berisha me takime në cdo degë e struktura. E shikojmë me rëndësi përgatitjen për zgjedhjet e vitit të ardhëm, janë një test i fuqishëm për PD, por vështirësitë janë të mëdha”, shprehet deputeti.
Në një lidhje “Skype” për Faxneës teksa u ndal tek primaret, deputeti tha se ka qenë një ndër mbështetësit e kësaj risie dhe shtoi se do të hartojnë edhe listat e simpatizantëve, të cilët përvec anëtarësisë do të votojnë për të përzgjedhur kandidatin për kryetar bashkie.
“Kam qenë mbështetës dhe një nga promotorët që kanidadatët të dalin nga primaret. Ne dhamë një test në zgjedhjet e 6 marsit. Primaret janë një mrekulli do të thoja, që përvec anëtarësisë, do të jenë në procesin e përzgjedhjes së kandidatëve edhe simpatizantët, dashamirësit e PD.
Do tu jepet e drejta edhe qytetarëve demokratë. Është një mësim që PD u jep të gjitha forcave të tjera politike. Ne kemi filluar takimet dhe do të hartojme listat e simpatizantëve, edhe këta kanë filluar të afrohen dhe të regjistrojnë emrat e tyre për të pasur të drejtën e votimit. Koha nuk na pengon në këtë drejtim”, ka thënë Baçi.
