Një aksident ka ndodhur mëngjesin e kësaj të Enjte në Vlorë.
Policia njofton se një makinë tip “Benz” me drejtuese shtetasen K. B, është përplasur me një motor me drejtues shtetasin A. M.
Si pasojë e përplasjes është dëmtuar drejtuesi i motorit, i cili ndodhet në spital, nën kujdesin e mjekëve
“Sot, rreth orës 07:40, në vendin e quajtur “Albano Romina”, Vlorë, një automjet tip “Benz” me drejtuese shtetasen K. B, është përplasur me një motomjet me drejtues shtetasin A. M, ku si pasojë është dëmtuar drejtuesi i motomjetit, i cili ndodhet në spital, nën kujdesin e mjekëve. Drejtuesja e automjetit shtetasja K. B, është shoqëruar në Komisariat për veprime të mëtejshme”, njofton policia.
Në vendngjarje ndodhet grupi hetimor, i cili po kryen veprimet në lidhje me sqarimin e plotë të rrethanave të aksidentit.
