Një aksident tragjik ka ndodhur ditën e sotme në aksin Kardhiq-Delvinë.
42-vjeçari Enton Ndini, personi që shihni në foto teksa drejtonte një motor humbi kontrollin dhe doli nga rruga.
Përplasja ka qenë fatale pasi 42-vjeçari nga Saranda, banues i Rusanit ka humbur jetën në vendngjarje.
Njoftimi i policisë:
Sarandë/Informacion paraprak
Rreth orës 14:00, në aksin rrugor Kardhiq-Delvinë, në vendin e quajtur Fushë-Verri, shtetasi E. N., 42 vjeç, duke drejtuar motomjetin, dyshohet se ka humbur kontrollin dhe motomjeti ka dalë nga rruga. Si pasojë e aksidentit shtetasi E. N, ka ndërruar jetë, në vendngjarje. Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
