Erling Haaland po kalon një formë të jashtëzakonshme në Premier League dhe tashmë ka prekur kuotën e 14 realizimeve në vetëm tetë ndeshje të elitës angleze. Nga ana tjetër, një tjetër numër nëntë që po bën siç duhet misionin e tij në fushë është Robert Lewandowski që nuk i ka zhgënjyer pritshmëritë e Barcelonës duke shënuar me vazhdimësi e duke i dhuruar pikë të rëndësishme ekipit të tij.
Në fakt, duket ky i Lewandowskit duket si një duel në distancë mes dy numrave nëntë më në zë të momentit ndërsa Luis Suarez, gjithashtu një ekspert i sulmit me anë të një reagimi në rrjetet sociale “injoron” polakun duke kurorëzuar bomberin norvegjez si më të mirin në botë.
“Shumë urime miku im. Zhvillove një ndeshje të mrekullueshme, aktualisht je numri 9 më i fortë në botë”, shkruan Suarez që lë mënjanë atë që konsiderohet si zëvendësuesi i tij natyral te Barcelona.
