Hakerat iranianë kanë publikuar ditën e sotme të dhëna të tjera konfidenciale të Policisë së Shtetit. Bëhet fjalë për sistemin e quajtur “MEMEX”, në të cilin janë listuar të gjithë të skeduarit nga Policia e Shqipërisë.
Mes mijërave fotove dhe dokumenteve me të dhëna gjendet edhe emri dhe fotoja e këngëtarit të njohur të muzikës popullore Spartak Xhaferraj, si edhe të dhënat e tij, si datëlindja, vendi i lindjes, atësia dhe gjendja civile.
Siç duket edhe ne foton e mëposhtme, uniformat blu kanë një foto të vjetër të këngëtarit Spartak Xhaferraj, i cili më së shumti është bërë i njohur për këngën e titulluar “Qejf o qejf i qerrata”.
Nuk dihen ende arsyet pse figuron emri i këngëtarit Spartak Xhaferraj në të dhënat e MEMEX./Voxnews
