Një aksident rrugor ka ndodhur këtë pasdite në kryeqytet, ku një person ka mbetur i plagosur pasi është përplasur nga një autobus urban.
Ngjarja është shënuar në Rrugën e Dibrës, ku siç njofton policia, I.M., duke drejtuar mjetin tip autobus, ka aksidentuar biçiklistin E.C., 39 vjeç.
39-vjeçari është dëmtuar dhe ndodhet në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit, shtuan të njëjtat burime.
