Sekretari i përgjithshëm i Partisë së Lirisë, Tedi Blushi shkruan se rritja e çmimit të energjisë mbi 800 kilovat në muaj do të thellojë krizën për familjet shqiptare.
Duke ju referuar një kronike mediatike, Blushi shkruan se në veçanti do të rrënohen pensionistët, që përveç faturave të larta të ushqimeve dhe ilaçeve që mezi po i përballojnë.
Ai shton se kjo është një “dhuratë” nga korrupsioni i Edi Ramës, duke bërë thirrje që të dëgjohet zëri i pensionistëve dhe të hiqet dorë nga vendimi arbitrar i kësaj fashe.
“Rritja e çmimit të energjisë elektrike për kalimin e fashës 800 kilovat në muaj do të thellojë krizën ekonomike për mijëra familje dhe biznese në Shqipëri. Në veçanti do të rrënohen pensionistët, që përveç faturave të larta të ushqimeve dhe ilaçeve që mezi po i përballojnë, nga 1 tetori do të përballen seriozisht edhe me çmimin e kripur të energjisë, “dhuratë” nga korrupsioni i Edi Ramës. Dëgjoni zërin e pensionistëve dhe hiqni dorë nga vendimi arbitrar! Rritni fashën në 1200 kilovat në muaj”, shprehet Blushi.
